1,5 жаштагы жээнин зордуктаган кылмышкерди сот 15 жылга эркинен ажыратты

Бишкектин Ленин райондук соту 1,5 жаштагы жээнин зордуктаган кылмышкерди 15 жылга эркинен ажыратты. 21 жаштагы Игорь жаш баланы зордуктоо беренеси боюнча айыптуу деп табылды. Чечимди сот 22-августта чыгарды. Сот отурумунда прокурор айыпталуучунун кылмышка катыштыгы бар экендигин күбөлөндүргөн бардык далилдерди көрсөттү. Маалыматка ылайык, кылмышкердин футболкасынан жабырлануучу 1,5 жаштагы кыздын канынын издери табылып, аныкталды. Ошондой эле соттук-медициналык экспертиза жаш балага карата зордуктоо болгонун ырастады. Бирок айыпталуучу күнөөсүн мойнуна албай, ал учурда мас болгондугун айтып, эч нерсе эсинде жок экендигин билдирип келген.