Шоумен Цветковдун арызын сот кабыл алган жок. Орусиянын эмгек сиңирген артисттери Ассоль Молдокматованы колдоп чыгышты

"Артур Цветков кайрылган Москва соту анын доо арызын кабыл алган жок. Ошондой эле сот бул арыздын негизсиз экенин билдирүү менен, өндүрүшкө алган эмес. Учурда Ассоль Молдокматованы колдогон адамдардан дагы деле видео кайрылуулар келип жатат.

Окуянын чоо-жайы:

Өткөн аптада Артур Цветков Ассоль Молдокматовадан моралдык чыгым катары 1 миллион доллар талап кылып жатканы тууралуу видео кайрылуу жасаган.

Анда орусиялык шоумен Ассоль Молдокматова аны нацист деп атаганы үчүн моралдык компенсация талап кылып жатканын айткан.

16-сентябрда Артур Цветков жактоочусу менен бирге кайрадан видео кайрылуу жасап, Ассоль Молдокматованын үстүнөн сотко кайрылганын билдирген.

Август айында Артур Цветков Москва шаарындагы тез тамактануучу жайлардын биринде иштеген Кыргыз жараны менен чырдаша кеткени маалымдалган. Окуянын видеосу жарыяланып, ал социалдык тармактын колдонуучулары арасында кызуу талкуу жараткан.