Бишкекте автокырсыктан 11 жаштагы кыз каза болду. Күнөөлүү айдоочу качып кетти

Бүгүн, 17-октябрда саат 01:15 чамасында Бишкектеги Ахунбаев-Юнусалиев көчөлөрүнүн кесилишинде автокырсык болуп 11 жаштагы кыз каза тапты. Кырсыктан Хонда - Мерседес унаалары сүзүшүп, Хондада бара жаткан 3 жүргүнчү жаракат алып, 2002-жылы туулган кыз ооруканага жеткенде каза болду. Ал эми жабырлануучулар 4-шаардык ооруканага жаткырылды. Мерседес унаасынын айдоочусу кырсык болгон жерден из жашырып кетип, учурда изделүүдө. Бул тууралуу Жол кайгуул кызматынын басма сөз катчысы Тилек Оторов билдирди.