Тажик тарап убадасын бузуп Көк-Таш айылындагы жолду жаап койду (видео)

Тажик тарап Көк-Таш айылындагы жолду сүйлөшүүдөгү убадасын бузуп жаап коюшту. Бул тууралуу өкмөттүн Баткен облусундагы өкүлчүлүгүнүн коомдук коопсуздук жана өзгөчө кырдаалдар бөлүмүнүн башчысы Мусурманбек Турсуматов билдирди.

Анын айтымында, тажик тарап Ворух жолун ачсаңар Төрт-Көчөнү ачабыз деген шарт коюшкан.

"Бүгүнкү күндө Баткен районунун Көк-Таш айылындагы Төрт-Көчө аймагын тажик тарап кечээ, 30-апрель күнү болгон сүйлөшүүдөгү үбадаларын бузуп жаап салышкан. Эске салсак, кечээ эки тараптуу сүйлөшүү болуп, андан соң Төрт-Көчөгө төгүлгөн шагылдарын тажик тарап тазалап, жол ачылган болчу.

Өкүлдүн биринчи орун басары Марип Туллаев жана тиешелүү күч түзүмдөрү Тажикстандын Согди облусунун башчысынын орун басары Хайдар Халов жана тиешелүү күч түзүмдөрү Баткен районунун Аксай айыл аймагы менен Тажикстандын Ворух айылы чектешкен жерде сүйлөшүүсү болот", - деди Турсуматов.