"Аким болууга жардам берем деп 9700 доллар алган". Ошто алдамчылыкка шектүү жаран кармалды

Бишкек шаарында алдамчылыкка шектүү жаран кармалды. Бул тууралуу Октябрь РИИБинин маалымат кызматынан билдиришти.

Маалыматка ылайык, 25-май күнү Октябрь райондук милициясына калаа тургуну арыз менен кайрылган. Анда март айынын башында чала таанышы арыз ээсине Ош облусунун райондорунун бирине аким болууга жардам берем деп 9 миң 700 доллар каражатын алып, из жашырып кеткенин жазган.

Бул факты Кылмыштардын жана жоруктардын бирдиктүү реестрине 204-берене "алдамчылык" менен катталып, сотко чейинки өндүрүшкө алынган.

"Иликтөө иш-чараларынын жүрүшүндө, жогорудагы кылмыш ишине шектелип 1958-жылы туулган жаран кармалып, убактылуу кармоочу жайына киргизилди. Кийин сот анын баш коргоо чарасын карап СИЗО-1ге эки айга камакка алуу түрүндөгү бөгөт чарасын тандады. Учурда иликтөө иштери уланып жатат", - деп билдиришти райондук милициясынан.