Бишкекте Ала-Арча суусуна агып кеткен киши дагы деле изделүүдө

Бишкек шаарындагы Ленин районунда Ала-Арча суусуна агып кеткен эркек киши дагы деле изделүүдө. Бул тууралуу ӨКМнын басма сөз кызматынан билдиришти.

Маалыматка ылайык, 13-июль күнү саат 23:30 чамасында 40-45 жаштагы эркек киши Ала-Арча суусунда агып бара жаткандыгы тууралуу маалымат түшкөн.

Жерине 4 куткаруучу тартылып, кеч киргендигине байланыштуу издөө иштери убактылуу токтотулган.

Бүгүн, 15-июль күнү издөө иштери улантылат. Ал эми эркек кишинин аты-жөнү такталууда.