Эмдөө: Бишкекте дагы бир эмдөө борбору ачылды

Жаңы убактылуу эмдөө пункту Бишкек шаарындагы Жибек Жолу 381 дареги боюнча жайгашкан “Эльдорадо” соода борборунун эски имаратында Калкты тейлөө борборунда ачылды. Бул жарандардын убактысын үнөмдөө үчүн жасалган – эми жарандар документ иштерин жүргүзүүгө жана вакцина алууга мүмкүнчүлүгү бар. Бул тууралуу республикалык штабдан кабарлашты.

COVID-19га каршы эмдөөдөн 18 жаштан жогору бардык жарандар өтө алат. Эмдөө пунктуна паспорт менен кайрылуу зарыл.

Аталган жерде 41 кызматкер эмгектенип, бир күндө 1000 – 1200 адамды тейлейт. Эмдөө бардык санитардык-эпидемиологиялык талаптарды сактоо менен жүргүзүлөт.

Ошондой эле Бишкек шаарынын калкты тейлөө борборлорунда убактылуу эмдөө пункттары төмөнкү даректер боюнча ачуу пландаштырылууда.
КТБ-3 (Жаш Гвардия бульвары 4);
КТБ-2 (Чокон Валиханов 2, СБ "Аю Гранд Комфорт").

Белгилей кетүүчү нерсе, Earlyone мобилдик тиркемесинин жардамы менен калкты тейлөө борборуна барууну пландаштырсаңыздар болот.