Жогорку Соттун төрайымы отставкага кетти

Жогорку Соттун төрайымы Нургүл Бакирова отставкага кетти. Бул тууралуу анын кеңешчиси Ибрагим Нуракун уулу социалдык тармактагы баракчасына жазып чыкты.

Ал бул кызматты 9 айдан бери аркалап келген. Кечээ, 30-январда Бакированын 9 айынын отчёту жарыяланган.

Жогорку Соттун басма сөз кызматынан Нургүл Бакирова өз каалоосу менен кызматтан кеткенин билдиришти. Ал президенттин атына кызматын өз каалоосу менен тапшыруу жөнүндө арызын берди.

Өмүр баяны:

• 1995-1997-жылдары Ош облустук прокуратурасы, стажёр, тергөө бөлүмүнүн прокурору, облустук прокурордун жардамчысы;
• 1997-1999-жылдары Ош мамлекеттик университети, юридикалык факультеттин деканынын орун басары, "Адам укугу жана демократия" борборунун директору;
• 1999-2003-жылдары Бишкек мамлекеттик экономика жана коммерция институтунда Атайын юридикалык дисциплина кафедрасынын башчысы;
• 2003-2007-жылдары Ош облустук сотунда судья;
• 2007-2013-жылдары Ош облустук сотунун төрагасынын орун басары;
• 2013-2015-жылдары "Нур и Ко" юридикалык компаниясынын жетекчиси;
• 2016-жылы январь эмгек жана социалдык өнүктүрүү министринин кеңешчиси;
• 2016-жылы февраль Эмгек жана социалдык өнүктүрүү министрлиги, гендердик саясат бөлүмүнүн башчысы;
• 2016-2018-жылдары Эмгек жана социалдык өнүктүрүү министрлиги, укуктук камсыздоо бөлүмүнүн башчысы;
• 2018-2021-жылдары Жогорку Сот, судья;
• 2021-жылы Жогорку Соттун төрайымы.