Камактагы Теңгиз Бөлтүрүк кат жазып, Кумтөр жабылып калышы мүмкүн экенин эскертти

Жемкорлукка айыпталып камакта жаткан Теңгиз Бөлтүрүк "Кумтөр Голд Компани" ишканасы жана "Улуу көчмөндөр мурасы" улуттук холдингинин ишмердүүлүгүнө байланыштуу ачык кат жолдоду. Анын жазган катын бүгүн, 23-январда жактоочусу Кайсын Абакиров социалдык тармактагы баракчасына жарыялады.

Анда Кумтөр мамлекетке өткөндө сырттан башкарып турган Теңгиз Бөлтүрүк алтын кен 2025-жылы жабылып калышы мүмкүн экенин эскертти.

"Финансылык бузууларга олуттуу айыптап жана андан ары бизге Кумтөр жана холдинг боюнча толук кандуу отчёт берүү мүмкүнчүлүгүн бербестен, ошондой эле E&Y (Эрнст энд Янг) эл аралык аудиторунун 2021-жылдагы "Кумтөр Голд Компанинин" ишинин оң аудитордук отчётун жарыялабай туруп, мени жана башка Кумтөрдүн жетекчилерин камакка алуу коомдо түшүнбөстүктү жана нааразычылыкты жаратууда.

Мунун баары инвестициялык иштеги айкындуулук жаатында жалпысынан өлкөнүн беделине терс таасирин тийгизди жана Центерра Голд менен бүтүмгө - Глобалдык макулдашууга терс таасирин тийгизип жатат, анткени макулдашуунун негизги оюнчусу жана демилгечиси финансылык бузууларга айыпталып жатат. Сот объективдүү, адилеттүү болот жана бардык айыптоолорду жана Кумтөр боюнча кылмыш ишинин материалдарын жоопкерчиликтүү талдайт, ошондой эле ар бир айыпталуучунун жеке жоопкерчилигин аныктайт деп үмүттөнөм.

Эгер азыр Кумтөрдү өнүктүрүүнүн дыкат ойлонулган жана прагматикалык стратегиясын иштеп чыгууну баштабаса, 2025-жылы Кумтөр калдыктарга толуп ишин токтотууга аргасыз болот. Ал эми жети жылдан кийин такталган алтын запастары түгөнөт. Аталган жагдай өлкө жетекчилигинин аброюна катуу сокку урат, себеби президенттин күчү менен гана Кумтөрдү Кыргызстан элинин менчигине кайтарууга жетишкенбиз", - деди Бөлтүрүк.

Ошондой эле ал "Улуу көчмөндөр мурасы" улуттук холдинги “Кумтөр Голд Компани” ишканасын Сингапурдагы биржага чыгаруу боюнча сүйлөшүү жүргүзүлгөнүн билдирди.

"Биржада "Кумтөр Голд Компани" ишканасынын болжолдуу баасы 2024-жылдын аягында 6-7 миллиард доллар болмок. Ишкананын кайсы бир пайыз акциясын сатуу менен казынадагы дефицитти жаап, Жетим-Тоо, ГЭС долбоорлорун баштоого каражат табылмак” - деп белгиледи ал.

Ошондой эле ал учурда Кумтөрдө кадрлардын тартыштыгы олуттуу көйгөй жаратып жатканын белгиледи. Бөлтүрүктүн айтымында, геолог-чалгынчы, геотехник, инженер-изилдөөчү, долбоорлоо инженер жана менеджерлер жетишпей жатат.

Белгилей кетсек, Башкы прокуратура өткөн жылы август айында "Кумтөр голд компани" ишканасын текшергенден кийин үч кылмыш ишин козгоп, коррупциялык схемадан улам мамлекетке 1 миллиард сом өлчөмүндө зыян келтирилгенин аныктаган. Мындан улам жетекчиси Теңгиз Бөлтүрүк 13-сентябрда кармалып, учурда тергөө абагында отурат.

Ушул жылы 19-январда "Кумтөр Голд Компани" ишканасынын мурдагы аткаруучу директору Канат Курманов кармалып, камакка алынды.

17:51 23-01-2023

Автор: Бек Оморбеков
Фото: Интернеттен алынды

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.

Рубрикадагы соңку кабарлар

17:33 2025-11-23 Видео

Президентке кайрылган окуучулар даараткана маселесин чечип берүүнү өтүнүштү

17:08 2025-11-23 Видео

"Боорун, бөйрөгүн талкалап жатышат". Министр дарыларды жарнамалоого тыюу салуу керектигин айтты

16:50 2025-11-23

Кыргызстан, Казакстан, Өзбекстан суу жана энергетикалык кызматташтык боюнча макулдашышты

16:19 2025-11-23 Видео

Саламаттыкты сактоо министри президенттен тил уккандан кийин кабинетке отурбай калганын айтты

15:56 2025-11-23

Кийинки жылдын апрелинен тарта дарыгерлердин маянасы 50 пайызга көтөрүлөт

14:48 2025-11-23

Аялдар көппү же эркектерби? БШК шайлоочулардын тизмесин жарыялады

12:30 2025-11-23

"Кытай–Кыргызстан–Өзбекстан" темир жолун талкуулоо боюнча үч өлкөнүн өкүлдөрү жолугушту

11:46 2025-11-23 Видео

Айсулуунун өлүмүнө шектүү Кумарбек сотторго пара берилгенин айтты

11:10 2025-11-23

Айсулуунун өлүмүнө шектүүгө мурдагы иши үчүн өкүм чыгарган соттордун бири президентке кайрылды

10:04 2025-11-23

Адахан Мадумаровдун сурак берип чыкканы айтылууда

17:46 2025-11-22

Бүгүн өлкөдө кандай окуялар орун алды?

17:15 2025-11-22

Бишкек мэриясында иштегендерге жаңы жылдык корпоратив өткөрүүгө тыюу салынды

Рейтинг:

Комментарийлер(2)

Antiradikal12

24.01.2023. 11:25

Тайпасы:

Комментарийлердин саны:

Катталган:

01-01-1970

Соӊку аракети:

01-01-1970 00:00

Жынысы:

Белгисиз

+22

Аферисттин аферист досу......... Жетим Тоодон айлангыла уурулар....... Кумторду талкалап уурдап, эми Жетим Тоого коз артып жатасынарбы эл душмандары?!

Azat-123

25.01.2023. 13:13