Бишкекте Казакстандан алып келинген көмүрдүн биринчи партиясы текшерилди

Казакстандан алып келинген Шабыркүл көмүрүнүн биринчи партиясы Бишкекте текшерилди. Мындай чара шаарды ыштан арылтууну алдын алуу максатында көрүлүүдө. Бул тууралуу бүгүн, 2-августта Жаратылыш ресурстары, экология жана техникалык көзөмөл министрлигинен билдиришти.

Маалыматка ылайык, кечээ, 1-августта ЖЭБдин айланасында Казакстандан келген Д маркасындагы 12 миң 774 тонна Шабыркүл көмүрүнүн биринчи партиясын текшерүү максатында көмүрдүн үлгүлөрүн анализге өткөрүү үчүн алынды.

"2023-жылы импорттолгон Д маркасындагы таш көмүрдү 550 миң тоннага чейин пайдаланууну көбөйтүү жана жергиликтүү Б3 маркасындагы күрөң көмүрдү пайдаланууну 650 миң тоннага чейин азайтуу каралган. 2022-жылга салыштырганда импорттолгон Д маркасындагы таш көмүр - 400 миң тонна, жергиликтүү Б3-1050 миң тонна күрөң көмүр колдонулган", - деп айтылат маалыматта.

Белгилей кетсек, сентябрь айында жергиликтүү Кара-Кече көмүрүнүн биринчи партиясы келгенде лабораториялык анализден өткөрүү үчүн үлгүлөр алынат.