Ат-Башы райондук электр тармактары жаңы трансформаторлорду орнотууда

Нарын электр тармактар ишканасы "КУЭТ" ААКтын капиталдык курулуштун эсебинен бөлүнгөн трансформаторлорду орнотуу иштерин улантууда. Бул тууралуу бүгүн, 19-октябрда Энергетика министрлигинен билдиришти.

Маалым болгондой, буга чейин эскилиги жеткен 160 киловольт-ампер трансформаторлор айыл тургундарынын керектөөсү өскөндүгүнө байланыштуу, суук катуу жүргөн аймакта өз нормасынан 33 пайызга ашыкча жүктөм менен иштеп келген, эми кубаттуулугу жогору 250 киловольт-ампер трансформаторго алмаштырылууда.

Мындан тышкары Бирлик жана Өзгөрүш айылдарына кошумча 900 метр 10 киловольт жана 2 чакырым 0,4 киловольт аба чубалгыларын тартып, 10/0,4 киловольт 1 даана трансформатор орнотулуп,жалпы 11 чакырым электр чубалгылары тартылган.

"Бүгүнкү күндө Ат-Башы районуна бөлүнгөн трансформаторлорду орнотуу иштери аяктады.

Жасалып жаткан иштер калкты сапаттуу электр энергиясы менен камсыз кылууу максатында жүргүзүлүүдө", - деп айтылат маалыматта.