Анжиянда кыргыз-өзбек демаркация комиссиясынын сүйлөшүүлөрү өттү

21-26-ноябрь күндөрү Өзбекстандын Анжиян шаарында кыргыз-өзбек биргелешкен демаркация комиссиясындагы эки өлкөнүн өкмөттүк делегацияларынын жумушчу топторунун жолугушуусу болуп өттү.

Министрлер кабинетинин басма сөз кызматынан билдиргендей, сүйлөшүүлөрдүн жүрүшүндө кыргыз-өзбек мамлекеттик чек арасын демаркациялоо маселелери талкууланып, чек аранын айрым тилкелеринде жеринде изилдөө иштери жүргүзүлдү.

"Сүйлөшүүлөр өз ара түшүнүшүү жана достук маанайда өттү. Иш-чаранын жыйынтыгында тиешелүү протоколго кол коюлду", - деп айтылат маалыматта.

Маалымат үчүн:

Демаркация - мамлекеттик чек ара сызыгын жеринде белгилөө, атайын чек ара белгилерин коюу.

.