Садыр Жапаров жаңы жылдык эс алууну чет өлкөдө өткөрүп жатабы? Президенттин маалымат катчысы жооп берди

Президент Садыр Жапаров жаңы жылды үй-бүлөсү менен тосту. Бул тууралуу президенттин маалымат катчысы Аскат Алагөзов билдирди.

Анын айтымына караганда, мамлекет башчысы жаңы жылдагы эс алуу күндөрүн дагы үй-бүлөсү менен эле өлкөдө өткөрүүдө.

"Өлкө башчысы министрлер кабинетинин төрагасы, анын орун басарлары жана тиешелүү мамлекеттик структуралардын жетекчилери менен дайыма байланышта. Керек болгон учурда президент аларды резиденцияга чакыра алат", - деп баса белгиледи Алагөзов.

Буга чейин социалдык тармактарда Садыр Жапаровдун чет өлкөдө эс алып жатканы тууралуу маалымат тараган. Айрымдар президент үй-бүлөсү менен Мальдив аралдарында эс алып жатканын жазышкан.