Ошто 16 жаштагы бала мончодогу бассейнге чөгүп каза болду

Ош облусунда өспүрүм бала бассейнге чөгүп каза болду. Бул тууралуу маалыматты бүгүн, 18-июлда облустук милициядан тастыктады.

Окуя 14-июлда болгон. Ал күнү Ноокат райондук ички иштер бөлүмүнө Жаңы-Ноокат айыл аймагынын 2008-жылы туулган тургуну мончо ичиндеги бассейнге чөгүп кетип каза болгондугу боюнча маалымат түшкөн.

Бул факты каттоого алынып, тергөөгө чейинки текшерүү иштери башталган.

"Маркумдун ата-энеси жана жакын туугандары анын жансыз денесин соттук-медициналык экспертизадан өткөрүүдөн баш тартышкан. Андыктан сырттан кароо жүргүзүлүп, туугандарына өткөрүлүп берилген", - деп айтылат маалыматта.

Учурда тергөөгө чейинки текшерүү иштери уланууда.