Бишкекте көп кабаттуу турак үйдөн ири өрт чыкты

Бишкекте көп кабаттуу турак үйдөн ири өрт чыкты. Бул тууралуу бүгүн, 12-августта Өзгөчө кырдаалдар министрлигинен билдирди.

Маалыматка ылайык, калаадагы Анкара көчөсүнүн №5 дарегинде жайгашкан толук курулуп бүтө элек көп кабаттуу турак үйдөн өрт чыккандыгы тууралуу билдирүү түшкөн.

Тилсиз жоо менен күрөшүүгө саат 22:02де Октябрь райондук №7 ӨКБдан 1, №5 ӨКБдан 2, №8 ӨКБдан автошаты жана штаб тартылган.

Ал эми буга кошумча саат 22:23тө Свердлов райондук №3 ӨКБдан дагы 1 күжүрмөн эсеп тартылган. Жалпы 4 күжүрмөн эсеп жеринде өрт өчүрүшүүдө.

ӨКМ кошумча маалымат берилерин билдирди.