Кантка жакын жердеги үрөй учурган кырсыктан 7 адам каза болду

Бишкек–Нарын–Торугарт жолунда катталган жол кырсыгы 7 адамдын өмүрүн алды. Бул тууралуу маалыматты бүгүн, 2-сентябрда Жол кыймылынын коопсуздугун камсыздоо башкы башкармалыгынан тастыктады.

Маалыматка ылайык, батыштан чыгышты көздөй бара жаткан Subaru Outback үлгүсүндөгү унаанын дөңгөлөгү жарылып кетип каршы тилкедеги Mercedes-Benz Sprinter менен кагышкан. Кырсыктын кесепетинен дагы бир Sprinter, Toyota Camry жана Toyota Voxy унаалары сүзүшкөн.

"Натыйжада 7 адам көз жумду. Дагы такталууда. Учурда тийиштүү экспертизалар дайындалып, тергөө амалдары жүргүзүлүүдө", - деп айтылат маалыматта.

Эске салсак, кечээ, 1-сентябрь күнү беш унаанын катышуусунда жол кырсыгы катталганы белгилүү болгон.