Камчыбек Ташиев Оштогу "Достук" чек ара өткөрмө жайын күтүүсүз текшерди

Бүгүн, 25-сентябрда УКМК төрагасы Камчыбек Ташиев Оштогу Кыргыз-Өзбек чек арасындагы "Достук" чек ара өткөрмө постуна күтүүсүз барды. Бул тууралуу Өткүрбек Рахманов Фейсбук баракчасына жарыялады.

Маалым болгондой, Ташиев ал жердеги абал менен таанышып, кемчиликтерди көрүп, тийиштүү жетекчилерге жана кызматкерлерге жеринен тапшырмаларды жана эскертүүлөрдү берди.

"Камчыбек Ташиев чек ара өткөрүү пунктунда эки тарапка өтүп жаткан жарандардын узун кезекте турганына күбө болду. Анда ал мындай абалга жол берип жаткан кызматкерлерге ыкчам иштөөгө, айрыкча жарандардан жана унаалардан пара алууга, коррупцияга жол берилбеши керектигин катуу эскертти", - деп жазылат маалыматта.

Алдыда дагы өлкө аймагындагы чек ара өткөрмө жайларына жана башка мекемелерге күтүүсүз текшерүүлөр менен барарын, эгер талаптагыдай жумуш жүрбөй жаткан болсо, аёосуз чаралар көрүлөрүн белгиледи.