Кыргызстандыктар январда жети күн эс алышы мүмкүн

Кыргызстанда 2025-жылдын 1-январынан 7-январына чейин дем алыш күндөрү болушу мүмкүн. Тиешелүү токтом долбоору кечээ, 13-ноябрда коомдук талкууга коюлду.

Белгилей кетсек, бул документ 5 күндүк иш графиги менен иштеген мамлекеттик жана муниципалдык органдарга тиешелүү.

Ал күндөрү төмөндөгүдөй жылдырылат:

• 2-январдагы дем алыш - 11-январь иш күнүнө;
• 3-январь дем алыш - 24-февраль иш күнүнө;
• 6-январь дем алыш - 10-март иш күнүнө.

Ошондой эле Эмгек министрлиги иштеп чыккан токтом долбоорунда 2025-жылдын 2-майы дем алыш күн деп белгилөө сунушталган.