Бишкекте жаран 4500 доллар акчасын үйүнөн уурдаткан. Шектүү кармалды

Бишкекте үйдөн ири суммадагы акчаны уурдаган 34 жаштагы жаран кармалды. Бул туурасында Октябрь РИИБинин басма сөз кызматы билдирди.

Маалымдалгандай, 15-январда милицияга жаран арыз менен кайрылып, анда белгисиз адамдарга карата мыйзамдуу чара көрүүнү өтүнгөн. Ал ошол эле күнү Көк-Жар айылында жайгашкан үйүнөн 4500 долларын уурдатканын билдирген.

Аталган факт боюнча Кылмыш-жаза кодексинин 205-беренеси (Уурдоо) менен кылмыш иши козголгон. Ыкчам издөө иш-чараларынын жүрүшүндө 1991-жылы туулган Ж.М. аттуу жаран шетүү катары кармалган.

Азыркы учурда анын ушул сыяктуу кылмыш фактыларын жасоого катыштыгы бар же жоктугу аныкталууда. Милиция сүрөттөгү жарандан жабыркагандар болсо 0(504) 00-66-11 же 102 номурларына кайрылууну өтүнөт.