Эртеңден тарта Бишкектин борборундагы дагы бир көчө 31-августка чейин жабылат

9-апрелден тарта Бишкектин Фрунзе көчөсүнүн Т.Айтматов көчөсүнөн Ахматбек Сүйүмбаев көчөсүнө чейинки бөлүгүндө магистралдык жылуулук тармагын реконструкциялоо иштери башталат. Буга байланыштуу аталган тилкеде унаа кыймылы 31-августка чейин жабылат.

Аталган жайда эскирген түтүктөрдү алмаштыруу иштери жасалат.

Реконструкциялоонун алкагында түтүктүн диаметри 900 миллиметрден 1000 миллиметрге чейин көбөйтүлөт. Бул гидротехникалык режимди жакшыртат жана жылуулук менен камсыздоонун ишенимдүүлүгүн жогорулатат.