Бишкек мэриясы "Ош базардын" айланасында ири рейд жүргүздү

Ленин районунун акимиаты мэриянын тиешелүү кызматтары менен биргеликте Бейшеналиев көчөсүнөн Рыскулов көчөсүнө чейинки тилкеде ири рейд өткөрдү. Бул тууралуу бүгүн, 18-апрелде мэриянын басма сөз кызматы билдирди.

Маалымдалгандай, иш-чарага төмөнкү түзүмдөр катышты:

• Ленин районунун акимиаты
• Шаар мэриясынын Жерди пайдаланууну контролдоо башкармалыгы
• Муниципалдык инспекция
• Ленин райондук ички иштер башкармалыгы
• "Бишкекбашкыархитектура" мамлекеттик мекемеси
• Мэриянын административдик бөлүмдөрү
• Муниципалдык мүлктү башкаруу департаменти
• "Тазалык" муниципалдык ишканасы

Иш-чаранын максаты шаардын архитектуралык, көркөм жана эстетикалык көрүнүшүн жакшыртуу.

Рейддин жүрүшүндө 29 жарнама, 67 мыйзамсыз орнотулган жарнама баннерлери демонтаждалып, 11 мыйзамсыз соода түйүндөрү жоюлду.

Мэрия мындай иштер улантыларын кошумчалады.