Орусияда жаңы төрөлгөн ымыркайды таштандыга таштап кетишти

Орусиянын Ростов шаарындагы Суворовский кичи районунда таштанды контейнеринен ымыркайдын жансыз денеси табылды. Бул тууралуу чет элдик басылмалар жазышууда.

Маалыматка ылайык, окуя 9-июлда Платон Кляты көчөсүндө болгон. Окуяга күбө болгондордун айтымында, контейнерден каза болгон бала табылган. Алар дароо укук коргоо кызматкерлерин чакырышкан.

Бул факты боюнча Орусиянын Кылмыш-жаза кодексинин 105-беренесинин 2-бөлүгүнүн негизинде "Киши өлтүрүү" боюнча кылмыш иши козголду. "Окуянын бардык жагдайлары кылмыш ишин тергөө учурунда аныкталат",- дешти облустук тергөө комитетинен.

Окуянын чоо-жайы айтыла элек.