"Атамдынбы же энебиздин заманыбы, алдырыңыз". Оштун мэри каналдардын корук аймагын текшерүүдө

Бүгүн, 13-июлда Ош шаарынын мэри Жеңишбек Токторбаев Алымбек датка көчөсүндөгү Жөө бас каналынын корук аймагын бошотуу боюнча тиешелүү кызматтарга бир катар тапшырмаларды берди.

Рейддин жүрүшүндө суу чарба башкармалыгынын жетекчиси менен телефон арылуу байланышып, каналдын үсүнө курулуп калган ишкананын гараждарын алдыруу керектигин билдирди. Башкармалыктын жетекчиси алардын курулганына көп болгондугун айтты.

"Атамдын заманындабы же энебиздин заманындабы, эртең алдырыңыз. Эртең эртең менен баштаңыздар", - деди мэр.

Калаа башчысы 5-10 жылда шаарды суу каптоо мындан да көбөйүшү мүмкүндүгүн айтып, каналдарды тазалоо багытын колго алыш керектигин билдирди.