Мамлекеттик катчы Марат Иманкулов Чаа бийдин эстелигин ачты

Мамлекеттик катчы Марат Иманкулов кечээ, 6-августта Чүй облусунун Беловодск айылынын борбордук аянтында Чаа бийдин айкелинин ачылыш аземине катышты.

Мамлекеттик катчы өз сөзүндө Чаа бий кыргыз элинин эркиндик жана көз карандысыздык үчүн күрөшүнүн символдорунун бири экенин белгиледи. Ал эми анын эстелигинин ачылышы элдин терең урматтоосунун, тарыхый эстутумду сактоонун жана улуттук аң-сезимди бекемдөөнүн символу экенин белгиледи.

Иманкулов сөзүнүн аягында жарандарды ар дайым биримдикте болууга, баатырлардын элесин түбөлүккө сактоого, тарыхты унутпоого жана келечек муундарда сыймыктануу жана патриотизм сезимдерин калыптандырууга чакырды.