Кыргызстандын U-20 айымдар курамасы сингапурлуктарды жеңди

Бүгүн, 8-август күнү Кыргызстандын U-20 айымдар курама командасы 2026-жылкы Азия кубогунун тандоо оюндарынын 2-туру алкагында Сингапур курамасы менен ойноп, Кыргызстандын курамасы жеңишке жетти. Бул тууралуу Кыргыз футбол биримдигинен билдирди.

Беттеш Вьетнамдын Ханой шаарынын машыгуу борборунда орун алды. Оюндун биринчи бөлүгүндө кураманын чабуулчусу Алина Гапарова (25') эсеп санды ачты. Бул эсеп саны оюндун аягына чейин өзгөрүүсүз калып, команда жеңишти камсыздады.

Курама команда өз тайпасында эми 10-августта Вьетнамга каршы беттешти өткөрөт.

Белгилесек, тандап алуу оюндарга жалпысынан 33 курама катышып, алар 8 тайпага бөлүнгөн. Азия Кубогуна финалдык бөлүгүнө тайпалардын жеңүүчүлөрү жана эми мыкты көрсөткүчтөр менен тайпада экинчи орунду ээлеген командалар жолдомо алат.