Орусиянын альпинизм боюнча улуттук командасынын капитаны Тотмянин Бишкекте көз жумду

Кечээ, 12-августта Бишкек шаарында Орусиянын белгилүү альпинисттеринин бири, алты жолку "Кар барсы" наамынын ээси Николай Тотмянин дүйнөдөн кайтты.

Орусиянын альпинизм федерациясы билдиргендей, анын жүрөгү Чоң-Алай районунда жайгашкан "Жеңиш" чокусунан кайтып келгенден кийин токтоп калган.

Николай Тотмянин - Орусиянын эмгек сиңирген спорт чебери, кесипкөй тоо гиди жана өзүнүн бүтүндөй өмүрүн бийик тоо чокуларына чыгууга арнаган адам. Анын көрүнүктүү жетишкендиктеринин катарында Жанну чокусу (7710 метр), К2нин батыш капталы, Эйгердин түндүк капталы, Корженевская чокусу, Эвересттин түндүк тарабы аркылуу көтөрүлүү жана Кавказдын, Памирдин, Теңир-Тоонун, Каракорумдун, Гималайлардын жана Альп тоолорунун эң кыйын чокуларына жасаган көптөгөн башка чыгуулары бар.

Ал Орусиянын альпинизм боюнча улуттук командасынын капитаны жана көптөгөн экспедициялардын катышуучусу болгон.