Грецияда өрт кырдаалы күчөп, бейтапканалар бошотулду

Грециянын ар кайсы аймактарында улантылып жаткан өрттөрдөн улам Ахайя жана Превезадагы кээ бир медициналык мекемелер эвакуацияланды. Бул тууралуу чет өлкөлүк басылмалар жазышты.

Грециянын Саламаттык сактоо министри Адонис Георгиадис Ахайядагы Като Ахайя саламаттык борбору жана аймак толугу менен бошотуу чечими менен кызматкерлер жана бейтаптар менен бирге эвакуацияланганын жарыялады.

Греция басылмаларындагы маалыматтарга ылайык, Превезанын Теспротико аймагындагы саламаттык борбору да бошотулуп, бейтаптар Арта жана Превеза ооруканага которулду.

Мындан тышкары, Сакыз аралындагы оорукана өрттөн улам жаралуу мүмкүн болгон кырдаалдарга даярдыкка келтирилди. Өрт өчүрүү иштеринде жаракат алган бир өрт өчүрүүчү жана түтүндөн жабыркаган эки адам тез жардам бөлүмүндө дарыланууда.

Греция боюнча өрттөр менен күрөш уланууда. Өрт кызматтарынын өкүлү Василис Ватракойаннис акыркы 48 саатта 152 жаңы айыл чарба жана токой өртү чыкканын билдирди.

Ватракойаннис аба ырайынын күндүн ичинде жогорку температурасы, нымдуулуктун төмөндүгү жана кээ бир жерлерде катуу шамалдын өрттөрдүн тез жайылышына өтө коркунучтуу шарттарды жаратып жатканын белгиледи.

Ал өрттүн жайгашкан аймактарында 4850 өрт өчүрүүчү кызмат кылып жатканын, күн батканга чейин 62 аба каражаты да күрөшкө тартылганын кошумчалады.

"Биз бардык активдүү өрт фронтторун мүмкүн болгон бардык каражаттарыбыз менен көзөмөлгө алууга аракет кылуудабыз. Жарандардан бийликтин көрсөтмөлөрүн так аткарууну суранабыз. Келерки күндөрдө кырдаал дагы да оорлошу күтүлүүдө",- деди Ватракойаннис.