Самокат, велосипед... Оштун мэри өзүнүн образын чыгармачыл кичинекей кыздын эмгегинде көрдү (видео)

Ош шаарынын мэри Жеңишбек Токторбаевге 8 жаштагы Лейли Нурсултан кызы анын рейд учурундагы жана иш үстүндөгү образын пластилинден жасап, белек кылды. Бул тууралуу калаа башкармалыгы билдирип, видео бөлүштү.

Кичинекей талант калаадагы мыйзамсыз курулуштарды бузуу, жаңы курулуштар жана шаар турмушунун көрүнүштөрүн да чагылдырган. Өз кезегинде Токторбаев кичинекей кыздын чыгармачыл эмгегин баалап, ага планшет жана акчалай сыйлык берди.