Борбор калаадагы кичи райондордогу ички жолдор оңдолууда

Борбор калаадагы кичи райондордогу ички жолдор оңдолууда. Бул тууралуу мэриянын басма сөз кызматы билдирди.

Маалыматка ылайык, "Бишкекасфальтсервис" муниципалдык ишканасы короо ичиндеги жолдордун абалын жакшыртуу боюнча иштерди улантууда.

5-кичи райононунда Сүйөркулов көчөсүнөн тартып №109 балдар билим берүү мекемесине чейинки тилкеде жаңы тротуары менен короо ичиндеги жол асфальтталды. Курулуш иштеринин алкагында эски асфальтты демонтаждоо, жаңы бордюрларды жана ирригация тармагын орнотуу, жаңы асфальт төшөө иштери аткарылды.

Ички жолдорду капиталдык оңдоо иштери шаардын башка кичи райондорунда да улантылууда. 4-кичи райондо капиталдык оңдоо иштери, ирригация тармагын орнотуу, жерди даярдоо иштери аткарылып жатат.

Белгилей кетсек, 2025-жылдын башынан бери "Бишкекасфальтсервис" муниципалдык ишканасы 10, 6 жана 3-кичи райондордун жолдордун капиталдык оңдоодон өткөрдү.