Ички иштер министрлигинин айрым кызматтарына убактылуу чектөө киргизилди

15-августта кечки саат 20:00дөн баштап 18-августтун түнкү саат 00:01гө чейин маалыматтарды жаңы серверлерге көчүрүү боюнча техникалык иштерди жүргүзүүгө байланыштуу, “Укук бузуулардын бирдиктүү реестри” жана “Укук бузуулардын автоматтык түрдө фиксациялоо” автоматташтырылган маалыматтык тутумдары убактылуу жеткиликтүү болбойт. Бул тууралуу Ички иштер министрлигинен билдиришти.

Көрсөтүлгөн мезгилде бардык расмий онлайн-сервистерде:

• транспорт каражаттарын каттоо жана айдоочулук күбөлүк алуу үчүн экзамендерди кабыл алуу жеткиликтүү болбой калат;
• укук бузуулар үчүн айып пулдарды төлөө мүмкүн болбой калат.

Иш аяктагандан кийин укук бузууларды каттоо https://erpn.mvd.kg шилтемеси аркылуу жүргүзүлөт, колдонуучулардын логиндери жана сыр сөздөрү өзгөрүүсүз сакталат.

Ички иштер министрлиги убактылуу ыңгайсыздыктар үчүн кечирим сурайт жана жарандарды мамлекеттик кызматтарды алууда бул маалыматты эске алууну өтүнөт.