Reuters: Путин менен Зеленскийдин жолугушуусу Венгрияда өтүшү мүмкүн

Украина менен Орусиянын президенттеринин жолугушуусу Венгрияда өтүшү мүмкүн. Бул тууралуу Reuters агенттигине АКШ президентинин администрациясынан ишенимдүү булагы билдирген.

Ал жолугушуу тууралуу кенен маалымат берген жок, бирок Орусия тарап азырынча мындай сунушту расмий түрдө тастыктай электигин кошумчалады.

АКШ президенти Дональд Трамп 18-августта Украина президенти жана Европа союздаштары менен жолугушкандан кийин Владимир Путин менен Владимир Зеленскийдин жеке кездешүүсүн даярдап жатканын жарыялаган.

Германия канцлери Фридрих Мерц Ак үйдөгү сүйлөшүүлөрдөн кийин, Путин менен Зеленскийдин жолугушуусу жакынкы эки жуманын ичинде өтөрүн билдирди.

Ошол эле учурда Венгриянын премьер-министри Виктор Орбан Орусия менен кызматташууну улантууну жактайт жана Украинаны аскердик жактан колдоого каршы чыгып келет. Орбан буга чейин Москвада Путин менен, ал эми Киевде Зеленский менен сүйлөшүүлөрдү өткөргөн.