К2 чокусун багындарган Эдуард Кубатов мекенге кайтып келди

Бүгүн, 20-августта өлкөгө К2 чокусун багындарган, Кыргызстан альпинизм федерациясынын президенти Эдуард Кубатов кайтып келди. Бул тууралуу ал өзүнүн социалдык тармактагы баракчасында билдирди.

Аны "Манас-2" эл аралык аэропортунан жакындары, санаалаштары салтанаттуу тосуп алышты.

Кубатов 11-августта кошумча кычкылтексиз дүйнөдөгү экинчи бийик чоку - К2 чокусуна ийгиликтүү көтөрүлгөн.

Кубатовдун айтымында, быйылкы сезон абдан оор болгон. Ал чокуну багындырган соң түшүү убагында көпчүлүк оор жаракат алып, бир альпинист айым каза болгонун жазган.

Эске салсак, Эдуард Кубатов 2021-жылы Эверестти багындырган. Ал Жер жүзүндөгү эң бийик чокуга Кыргызстандын атынан чыккан биринчи альпинист болуп саналат.

Маалымат үчүн: К2 - Пакистан менен Кытайдын чек арасындагы Каракорум кырка тоосунда жайгашкан. Анын бийиктиги 8 миң 614 метрди түзүп, дүйнөдө Эвересттен кийинки экинчи эң бийик тоо болуп эсептелет.