Быйыл мектеп окуучуларынын формасы кандай болот?

1-12-класстын окуучулары быйылкы жаңы окуу жылында мурдагы жылдардай эле форма кийишет. Бул тууралуу Агартуу министрлиги билдирди.

Маалыматка ылайык, эркек балдар үчүн классикалык стилде тигилген ак түстүү көйнөктөр, ал эми шым-костюм, жилеттери кара, күрөң, көк жана кочкул кызыл түстүү болушу шарт. Балдардын мектеп формасынын комплектине классикалык формада тигилген галстукту кошууга болот. Кыздар үчүн мектеп формасы түрдүү комбинацияда жана классикалык стилде тигилген кофта, жилет, юбка, шым, көйнөк, фартук, костюм комплектинен турат.

Жалпы билим берүү уюмдарында спорттук кийимдер жана бут кийимдер, жинсы кийимдер, эс алуу жайларында, үйдө кийүүчү кийимдерди кийип жүрүүгө болбойт. Ошондой эле окуучулардын мектеп формасы эмблемалар, төш белгилер, жамаачы сыяктуу мектептин, класстын айырмалоочу белгилерине ээ болушу мүмкүн.