Германиянын тышкы иштер министри: "Украина коопсуздук кепилдиктерин алышы керек"

Германиянын тышкы иштер министри Йоханн Вадефуль Украинанын коопсуздук кепилдиктеринин аймагын кеңейтүү керектигин билдирди. Бул тууралуу чет элдик басылмалар жазышты.

"Украинага мүмкүн болушунча көп мамлекет коопсуздук кепилдигин бермейинче, Украинанын кандайдыр бир баш тартууну карап чыгышын күтүү – реалдуу эмес", — деп баса белгиледи Германиянын тышкы иштер министри Йоханн Вадефуль.

Анын айтымында, мындай кепилдиктер Европада тынчтыктын кайра орношуна негиз болушу мүмкүн.

Вадефуль коопсуздук кепилдиктерин Украинага Евробиримдикке мүчө өлкөлөр гана эмес, башка мамлекеттер, өзгөчө АКШ да бериши керек экенин айтты. Анын маалыматына ылайык, Жапонияны кошкондо 30га жакын өлкө Украинага колдоо көрсөтүүгө даяр экенин билдиришкен.

Министр кошумчалагандай, мындай кепилдиктер Орусия үчүн коркунуч туудурбайт.

Буга чейин, 21-августта, АКШнын мурдагы президенти Жей Ди Вэнс билдиргендей, АКШ аскерлерин Украинага жиберүү пландалган жок, бирок Вашингтон Украинанын коопсуздугун камсыз кылууда активдүү роль ойнойт.