"Жарым акчасын алып турган". Бишкекте сойкукана уюштуруучусу кармалды (видео)

Борбордук милициянын ыкчам кызматкерлери тарабынан Бишкек шаарынын Кулиев көчөсүндө жайгашкан батирлердин биринде сойкулук менен алектенүүчү жай уюштурган аял кармалды. Бул тууралуу Бишкек шаарынын ШИИББнын басма сөз кызматынан билдиришти.

Маалым болгондой, тергөө кызматы тарабынан КЖКнын 160-беренеси (сойкулукка жана ыпластыкка көмөктөшүү) боюнча кылмыш иши козголгон. Шектүү катары 1965-жылы туулган Ж.Г. аттуу жаран кармалып, Бишкек шаарынын ШИИББнын убактылуу кармоочу жайына камакка алынган.

Мындан тышкары, сойкулук менен алектенип жаткан кыздар аныкталып, аларга карата Укук бузуулар жөнүндө кодексинин 109-2-беренеси менен (Сойкулук менен алектенүү) административдик протоколдор түзүлүп, түшүндүрүү иштери жүргүзүлгөн.

Белгилей кетсек, кыздардын көрсөтмөлөрүнө ылайык, интимдик кызмат көрсөтүүдөн алынган акча каражатынын 50 пайызын уюштуруучу алып турган.

Учурда бул фактыга тиешеси бар бардык адамдарды аныктоо максатында тергөө жана ыкчам-иликтөө иштери улантылууда.