Төкмө акын Мамбеторозо уулу 9 жылдан кийин ата-энесине жолукту (видео)

Белгилүү төкмө акын Мамбеттокто Мамбеторозо уулу 9 жылдан кийин ата-энесине жолукту. Бул тууралуу ал өзүнүн социалдык тармактагы баракчасына жазды.

Маалым болгондой, Мамбеторозо уулунун ата-энеси Кыргызстанга Кытайдан келишти.

"Акыры 9 жылдан кийин ата- энебиз менен жолугуштук. Кудайга миң мертебе шүгүрчүлүк айтамын. Анан дагы таң атканча кирпик какпай козусун союп коноктоп, оорумду жондон, жеңилимди колдон алышкан досторума ыраазычылык!
Ата энем келди акыры,
Ала-Тоонун койнуна.
Айыктым куса дартыман ,
Асылып жыттап мойнуна!", -деп жазды төкмө акын.