Өзгөндө өзгөчө асма көпүрө курулду (видео)

Социалдык тармактарда Оштун Өзгөн шаарына курулган көпүрөнүн видеосу тарап жатат.

Видеодон көпүрөнүн ортосуна айнек төшөлгөнүн көрүүгө болот. Айнектен болсо алдындагы унаа жолу көрүнүп турат. Өзгөчө салынган жаңы көпүрө борбордук стадион менен Азнабакиев атындагы паркты бириктирип турары айтылууда.

Буга чейин президенттин Ош облусундагы ыйгарым укуктуу өкүлчүлүгү Өзгөн шаарында толук оңдоп-түзөөдөн өткөн борбордук стадион ачылганын билдирип, сүрөттөрдү жарыялаган. Арасында унаа жолунан алып өтчү асма көпүрөнүн түндө тартылган сүрөтү да бар болчу.