Садыр Жапаров "Бедел" пункту куруларын айтты

Бүгүн, 27-августта президент Садыр Жапаров Барскоон-Бедел унаа жолунун курулушуна старт берди. Өлкө башчысынын басма сөз кызматы Аскат Алагөзов социалдык тармактагы баракчасына мамлекет башчынын сүйлөгөн сөзүн жарыялады.

Анда Жапаров жакында "Бедел" өткөрүү пунктунун да курулушу башталарын айткан.

"Буюрса, масштабдуу, ири "Бедел" көзөмөл-өткөрүү пунктунун курулушу башталат. Бул комплекстүү долбоор Кыргызстан менен менен Кытайдын ортосундагы соода көлөмүн арттырат, товар алмашуу көбөйөт, эки өлкөнүн достугу менен ишенимин бекемдейт",- деген президент.

"Архивдик документтерге кайрылсак, "Бедел" өткөрүү пунктун ачуу 1996-жылдан бери көтөрүлүп келген экен. Бирок көп жылдар бою ар кандай себептерден улам ишке ашпай калган",- деп жыйынтыктаган Садыр Жапаров.