Эгемендүүлүк күнү Жалал-Абадда. Унаалар үчүн атайын токтотуучу жайлар уюштурулду (видео) 

30-августта Жалал-Абад шаарында жаңы административдик имараттын ачылышына жана эгемендүүлүктүн 34 жылдыгына карата жаңы борбордук аянтта чоң программадагы концерт менен коштолгон майрамдык иш-чара өткөрүлөт.

Мэриянын маалымат кызматы билдиргендей, бул иш-чараларга байланыштуу атайын унаа токтотуучу жай уюштурлду. Ал Манас жана Тарсус көчөлөрүнүн кесилишинде, болжолдуу Спутниктеги айлампанын жанында жайгашкан. Бул аракеттер унаа тыгындарын алдын алуу жана келген конокторго ыңгайлуу шарт түзүү максатында уюштурулууда.

Шаар ичинде коомдук транспорттор менен гана жүрүү сунушталат.