Кызыл килем, тизилген кароол... Садыр Жапаровдун учагы Кытайдын "Биньхай" аэропортуна конду (видео)

Бүгүн, 31-августта президент Садыр Жапаров Кытай Эл Республикасынын төрагасы Си Цзиньпиндин чакыруусу боюнча Тяньцзинь шаарына иш сапары менен келди.

Мамлекет башчысынын басма сөз кызматы билдиргендей, анын учагы "Биньхай" эл аралык аэропортуна конду.

Аэропортто мамлекеттик туулар илинип, килем төшөлүп, ардактуу кароол тизилген.

Президент Садыр Жапаровду Кытайдын илим жана техника министри Инь Хэчжун жана башка расмий адамдар тосуп алышты.

Эскерте кетсек, мамлекет башчысы сапарынын алкагында Шанхай кызматташтык уюмунун мамлекет башчыларынын кеңешинин кезектеги жыйынына, ошондой эле экинчи дүйнөлүк согуштагы Жеңиштин 80 жылдыгына арналган салтанаттуу иш-чараларга катышат. Ошондой эле Кытайдын төрагасы Си Цзиньпин менен жолугушуусу болот.