Оштогу Жумабаев көчөсү пайдаланууга берилди

Бүгүн, 31-августта Ош шаарынын Жибек Жолу аймактык башкармалыгындагы Жумабаев көчөсү кеңейтилип, оңдоп-түзөөдөн өткөрүлүп эгемендүүлүк күнүнө карата пайдаланууга берилди. Бул тууралуу мэриядан кабарлашты.

Маалым болгондой, ачылыш аземине шаар мэри Жеңишбек Токторбаев, шаардык кеңештин төрагасы Болот Баетов, жергиликтүү тургундар катышты.

"Жумабаев көчөсүнө мындан 60 жыл мурун асфальт төшөлүп, андан бери капиталдык оңдоодон өткөн эмес болчу. Биринчи этабында жолдун 1,5 чакырымы толук оңдолуп, асфальт төшөлдү. Жолдун туурасы 22 метр болуп, эки тарабына тротуар, ирригациялык лоток жана жашыл аймак каралган", - деп белгиленген маалыматта.