Си Цзиньпин глобалдык башкаруу боюнча демилге көтөрдү

Кытайдын төрагасы Си Цзиньпин ШКУнун кеңейтилген жыйынында глобалдык башкаруу боюнча демилге көтөрдү. Бул тууралуу чет элдик басылмалар жазышты.

"Мен глобалдык башкаруу боюнча демилге көтөрүп, бардык өлкөлөр менен биргеликте адилеттүү жана тең укуктуу глобалдык башкаруу тутумун түзүүгө, ошондой эле адамзаттын жалпы келечеги бар коомчулугун курууну каалайм",- деди Кытай лидери.

Си Цзиньпин ошондой эле Пекин ШКУга мүчө башка мамлекеттерди кагылышуулардан баш тартуу принцибин карманууга жана үчүнчү тараптарга каршы багыттабоого чакырарын белгиледи. Анын айтымында, уюмга мүчө өлкөлөр эл аралык адилеттүүлүктү коргошу жана көп уюмдуу дүйнөнү түзүүгө салым кошушу керек.

ШКУ саммити 31-августтан 1-сентябрга чейин Кытайдын Тяньцзинь шаарында өтүүдө. Саммитке мамлекет башчысы Садыр Жапаров да катышууда.