Өз жанын кыйган болушу мүмкүн. Бишкекте 13 жаштагы кыздын сөөгү табылды

Бишкекте 13 жаштагы кыздын сөөгү табылды. Бул тууралуу SUPER.KG порталына бүгүн, 2-сентябрда Ленин райондук ички иштер башкармалыгынан билдиришти.

Маалым болгондой, бүгүн, 2-сентябрда саат 6:30 чамасында "102" кызматына Ибраимов көчөсүндөгү көп кабаттуу үйлөрдүн биринин жанынан жашы 15-20 жаштагы кыздын сөөгү табылганы тууралуу маалымат түшкөн.

Бул факт Бишкек шаардык Свердлов РИИБинин Жоруктардын жана кылмыштардын бирдиктүү реестрине катталып, каза болгон өспүрүмдүн өздүгү аныкталган. Ал 2012-жылы туулган Ж.Ж. экени белгилүү болгон. Алдын ала маалыматтарга ылайык, өспүрүм өз жанын кыйган болушу мүмкүн.

Учурда тиешелүү экспертизалар дайындалып, тергөө иштери улантылууда.