Барпыдагы көпүрөнүн курулушу 80 пайызга аяктады (видео)

Комсомол–Барпы–Түрк-Абад унаа жолундагы темир-бетон көпүрөнүн курулуш иштери 80 пайызга аяктады. Бул тууралуу Транспорт жана коммуникациялар министрлигинин маалымат кызматы билдирди.

Малым болгондой, учурда объектте жумуштар активдүү жүрүүдө. Куруучулар жакынкы 10 күндүн ичинде курулуш иштери жыйынтыктала тургандыгын билдирди.

Белгиленгендей, көпүрөнүн туурасы 20,4 метрди, узундугу 12 метрди түзөт. Курулуш иштери быйыл июль айында башталган. Жумуштар министрликке караштуу “Кыргызавтожол-Түштүк” мамлекеттик ишканасынын көзөмөлүндө жүргүзүлүүдө.

Эскерте кетсек, 31-августта УКМКнын башчысы Камчыбек Ташиев аталган курулушка барып текшерди.