Француз актёру Жерар Депардье зомбулук көрсөтүү боюнча сот алдында жооп берет

Француз актёру Жерар Депардье актриса Шарлотт Арнуга карата сексуалдык зомбулук көрсөткөн деген айып боюнча сот алдында жооп берет. Бул тууралуу Le Monde басылмасы жазды.

Шарлотт Арну 2018-жылы, 22 жашында Депардьеге каршы арыз жазган. Анын айтымында, Депардье анын атасынын досу болгон. Кийин актёр Арнунун Париждеги үйүндө аны эки жолу зордуктаган. Арну бул тууралуу полицияга кайрылган, бирок ал кездеги тергөө сотко жеткен эмес.

2020-жылы Арну жаңы доо арыз жазган, ошол убактан бери 76 жаштагы актёрго карата тергөө иштери жүрүүдө. 2024-жылы Париж прокуратурасы бул иш боюнча соттук териштирүү өткөрүүнү талап кылган.

Депардье коюлган айыптарды четке кагып, актриса менен болгон мамилеси өз ара макулдук менен болгонун билдирген. Бирок париждик прокурор иште "олуттуу жана тастыкталган далилдер" бар экенин айткан.

2024-жылдын май айында Париж соту Депардьени ыдык көрсөтүү иши боюнча 1,5 жылга шарттуу түрдө эркинен ажыраткан. Анда эки аял актёрду 2021-жылы "Жашыл терезелер" аттуу фильмди тартуу аянтчасында ыдык көрсөткөнүн айтып чыгышкан. Мындан тышкары, ондогон башка аялдар да ага карата ыдык көрсөтүү боюнча айыптоолорду койгон. 2023-жылдын жазында Mediapart басылмасынын иликтөөсүндө 13 аял Депардьенин сексуалдык зомбулугуна кабылганын билдиришкен. Бирок актёр бардык айыптоолорду четке каккан.