Супер-Инфо
super.kg видео
Жоржио Арманини акыркы сапарга узатуу зыйнаты Миланда өтөт
Италиялык Armani мода үйүнүн негиздөөчүсү, модельер Жоржио Арманини акыркы сапарга узатуу зыйнаты Миланда 6-7-сентябрда өтөт. Бул тууралуу Armani Group компаниясы социалдык тармактагы баракчасына жарыялады.
"Арманинин керээзине ылайык, акыркы сапарга узатуу зыйнаты жабык эшик артында өтөт", - деп жазылат компаниянын билдирүүсүндө.
Айта кетсек, бүгүн, 4-сентябрда Жоржо Армани 91 жашында дүйнө салганы кабарланган.
Армани 1934-жылы 11-июлда Италиянын түндүгүндөгү Пьяченца шаарында туулган. Ал 1974-жылы алгач ирет өзүнүн аты менен коллекциясын сунуштап, 1975-жылы досу, архитектор Сержио Галлеоти менен "Армани" компаниясын негиздеген.
Компаниянын дүйнө жүзү боюнча 500дөн ашык дүкөндөрү бар. Мындан тышкары аларга эки мейманкана (Милан жана Дубайда) жана дүйнө жүзү боюнча 26 ресторан тиешелүү.
Мода дизайнери миллиардер болгон. Forbes анын байлыгын 12 миллиард доллар деп эсептейт.
0