Дональд Трамтын уулу миллиардер болду

АКШ президенти Дональд Трамптын уулу, 41 жаштагы Эрик Трамп криптовалюта тармагындагы ийгилиги менен миллиардерлер катарына кошулду. Бул тууралуу Forbes басылмасы жазып чыкты.

Маалыматка караганда, ал American Bitcoin аттуу криптомайнинг компаниясынын тең негиздөөчүсү жана башкы стратегиялык кызматкери болуп саналат. Компаниянын акцияларынын баасы 3-сентябрда кескин өсүп, анын Эрикке тиешелүү үлүшү 950 миллион долларга жеткен.

Белгилүү болгондой, Эрик Трамп бир нече күн мурун президенттик шайлоого катышуу мүмкүнчүлүгүн жокко чыгарган да, толук ырастаган да эмес.

"Мен жок деп айтпайм, бирок ооба деп да айта албайм",- деген ал Nikkei Asia менен болгон маегинде.

Ал өз сөзүндө каржы жана инвестиция тармагын жакын көрөрүн белгилеген.

Буга чейин Дональд Трамптын үй-бүлөсү дагы бир криптовалюта долбоору - World Liberty Financial (WLFI) аркылуу күнүнө 5 миллиард доллар киреше тапканы тууралуу кабар тараган.