Бишкектеги көп кабаттуу үйдөн чыккан ири өрт толук өчүрүлдү

Бишкек шаарынын Свердлов районунда жайгашкан көп кабаттуу турак жайда чыккан өрт толугу менен өчүрүлдү. Бул тууралуу Өзгөчө кырдаалдар министрлигинен кабарлашты.

Маалыматка ылайык, тилсиз жоо 8-сентябрь күнү кечки саат 22:00 чамасында Жибек-Жолу менен Осмонкул көчөлөрүнүн кесилишиндеги үйдөн тутанган. Окуя болгон жерге дароо 3 өрт өчүрүүчү бригада, 1 автошаты жана штаб жөнөтүлүп, ыкчам аракеттер көрүлгөн.

Өрт 22:56да чектөөгө алынып, 23:21де толук өчүрүлгөн. Жалпы күйгөн аянт 400 чарчы метрди түзгөнү маалым болду. Жабыркагандар жок.

ӨКМ учурда өрттүн келип чыгуу себебин тактап, тиешелүү текшерүү иштерин жүргүзүүдө.