Жубайына тийишип... "Вефа" соода борборунда мушташкан жарандар кармалышты (видео)

Бишкекте бейбаштыкка шектелип 21 жаштагы 2 жигит жана 24, 33 жаштагы жарандар кармалышты. Бул тууралуу бүгүн, 9-сентябрда Биринчи Май райондук ички иштер башкармалыгы билдирди.

Маалыматка ылайык, 7-сентябрда милицияга кайрылган жаран ошол эле күнү болжол менен саат 16:00 чамасында "Вефа" соода борборунда белгисиз адамдар денесине залал келтиргенин айткан.

Факт боюнча Кылмыш-жаза кодексинин 280-беренеси (Бейбаштык) менен кылмыш иши козголгон. Кармалгандар убактылуу кармоочу жайга киргизилип, учурда тергөө иштери уланууда.

Буга чейин социалдык тармактарда аталган соода борборунда 4 жигит бир адамды сабаган делген видео тараган. Анда токмокко алынган жаран жубайына болушканы айтылат.

Жубайы да өз баракчасы аркылуу окуя боюнча пост жазып, анда ал жигиттер ага тийишкенин, андыктан күйөөсү алардан кечирим суроону талап кылганын билдирген. Бирок жигиттер орой мамиле кылып, анын күйөөсүн сабай башташкан. Башка жарандардын кийлигишүүсү менен алар качып кетишкен.