U-23: Кыргызстандын курамасы Шри-Ланканы утуп, Азия Кубогуна жолдомо алды

Кыргызстандын U-23 футбол боюнча курама командасы Шри-Ланканын курамасын жеңди.

Беттеш 6:0 эсебинде Кыргызстандын пайдасына жыйынтыкталды. Оюндун биринчи бөлүгүндө Марлен Мурзакматов 2 жолу гол киргизди.

Ал эми оюндун экинчи бөлүгүндө эң кооз голду Мерк Кими киргизди, андан соң Эрбол Абдужапаров жана Саид Датсиев гол жаратты. Ошентип оюн жыйынтыкталды.

Беттешти көрүүгө 11 775 адам келди. Күйөрмандар активдүү колдоп беришти.

Эске салсак, бул оюндар 2026-жылкы Азия Кубогунун тандоо турунун алкагында өткөрүлүп жатат. Кыргызстан Палестинаны 2:1 эсебинде жеңген. Ал эми Өзбекстан менен 2:2 тең чыгуу менен оюн жыйынтыкталган.

Бүгүн, 9-сентябрда Кыргызстан Шри-Ланканы жеңип Азия Кубогуна жолдомо алды.

Азия Кубогунун финалдык этабы 2026-жылдын январь айында Сауд Арабиясында өтөт.